Повик за учесници: Scout exchange – Intercultural learning through life in nature„

Прв Скопски Извиднички Одред отвара повик за 15 учесници за младинска размена со Белгијанци на тема “Intercultural learning through life in nature„

Цел на проектот:

Целта на овој проект е да се подигне свеста за меѓукултурниот дијалог и неговото пренесување преку живеење во заеднички камп и користење на сите расположливи ресурси за природата. Очекуван резултат од овој проект – размена се активни и обучени млади луѓе кои ќе се стремат да го пренесат наученото и ќе шират и пренесат позитивни практики на своите врсници. Резултатот ќе го постигнеме преку соработка со извидничка организација и Белгија и Северна Македонија и локалната заедница на планините Китка и Караџица. Ќе организираме креативен мобилен камп во природа на сосема поинаква локација од седиштата на овие организации. Имено, кампот не само што ќе организира серија работилници на оваа тема, туку и самите учесници ќе делат сместување и сами ќе подготвуваат храна, а ќе пешачат низ планина за да стигнат до локациите на кампот. Ние веруваме дека најдобрите резултати од сите теории за различни култури се постигнуваат преку практична имплементација и ставање себеси во различни улоги и ситуации.

Очекувани резултати од проектот:

1. Подигнување на свеста кај младите, како извидништвото го поддржува меѓукултурниот дијалог и како тие можат да го шират и да го пренесат знаењето
2. Обучени млади луѓе да организираат активности на отворено кои можат да ги користат како алатки за интеркултурно учење, социјално вмрежување и зајакнување на младите
3. Мотивирани и охрабрени младите луѓе да зборуваат отворено и да споделуваат најдобри практики и стекнати нови вештини
4. Обучени учесници подготвени да ја користат природата преку различни форми на активности во корист на меѓукултурниот дијалог
5. Подигната свест за користење на природата и излегување од секојдневието и технологијата
6. Обучени млади луѓе со позитивни и нематеријални вредности за работа и соработка со млади без разлика на нивното социо-економско потекло

Oваа година ПСИО организира кул размена со извидници од Белгија на тема Intercultural learning through life in nature. Како и секоја наша извидничка размена очекувајте незаборавна авантура и интересни активности во природа.

Таргет група:

На кампот ќе учествуваат 15 извидници од Белгија и 15 од Македонија, размената е наменета за извидници учесници од 15 до 19 години.

Котизација:

*Целосната котизација за кампот ќе биде 1000 денари.

(Трошокот за превоз до и од Скопје НЕ е покриен)

Датум и место на одржување:

04-08 јули 2024г. Извиднички дом „Чичко Боро“ – Китка и планинарски дом „Караџица“

Спењето ќе биде во шатори, а храната ќе ја подготвуваат самите извидници.

Сите заинтересирани може да се пријават на следниот ЛИНК.

!!!ЗА СИТЕ ОДБРАНИ УЧЕСНИЦИ ПСИО ЌЕ ГИ КОНТАКТИРА МАТИЧНИТЕ ОДРЕДИ ЗА ПОТВРДА И ВЕРИФИКАЦИЈА НА ДАДЕНИТЕ ОДГОВОРИ!!!

Краен рок за аплицирање е 22 јуни 2024 година.

***ВАЖНО***

На кампот е најстрого забрането конзумирање алкохол и уживање на наркотични средства!

Оваа размена ја спроведуваат Прв Скопски Извиднички Одред и Scouts en Gidsen Juventa Zonhoven.